عماد وسیم میدان میں واپسی اور دورہ انگلینڈ کے منتظر

پاکستان کرکٹ ٹیم کے آل راونڈر پاکستان کرکٹ ٹیم کے عماد وسیم کا کہنا ہے کہ وہ اس سال دورہ انگلینڈ کے ساتھ کرکٹ فیلڈ میں واپسی کے شدت سے منتظر ہیں۔

31 سالہ کرکٹر نے کہا کہ صرف کرکٹ ہی نہیں، ہر کھیل سے وابستہ پلیئرز اپنے اپنے اسپورٹس کے ایکشن میں واپسی کو بے تاب ہیں، کھیل سے دوری کو کافی وقت ہوگیا اور اب ہر کوئی چاہتا ہے کہ جلد از جلد روٹین بحال ہو۔

عماد وسیم نے کہا کہ انگلینڈ کا دورہ کرکٹ اور کرکٹرز کیلئے کافی اہم ہے، کرکٹ بند دروازے کے پیچھے تماشائیوں کے بغیر ہو یا تماشائیوں کے سامنے، اس وقت کرکٹرز کرکٹ کی واپسی چاہتے ہیں۔