اذلان شاہ ہاکی ٹورنامنٹ: پاکستان آج جاپان کا مقابلہ کرے گا

سلطان اذلان شاہ ہاکی ٹورنامنٹ میں پاکستانی ٹیم اپنا تیسرا میچ منگل کو جاپان کے خلاف کھیلے گی۔

واضح رہے کہ پاکستانی ٹیم ابتدائی دونوں میچوں میں کامیابی حاصل کرچکی ہے جبکہ پاکستان کے علاوہ جاپان کی ٹیم بھی دونوں میچ جیت چکی ہے۔

یاد رہے کہ ایونٹ کے پہلے میچ میں پاکستان نے میزبان ملائیشیا کو 4-5 سے ہرایا تھا اس کے بعد اپنے دوسرے میچ میں جنوبی کوریا کو 4-0 سے شکست دی تھی۔

قومی ٹیم جاپان کے بعد اپنا اگلا میچ 8 مئی کو کینیڈا کے خلاف جبکہ 10 مئی کو نیوزی لینڈ کے خلاف کھیلے گی۔گروپ اسٹیج کی 2 ٹاپ ٹیموں کے درمیان فائنل 11 مئی کو کھیلا جائے گا۔