March 28, 2024 | 10:18 am

پی سی بی کا لیگ میں ادائیگیوں پر فیکا کی رپورٹ پر تحفظات کا اظہار

PCB ka league main adaigyon per fica ki report per tahafuzat ka izhar
رپورٹ: فیضان لاکھانی۔۔۔ لیگ کرکٹ میں ادائیگیوں پر کرکٹرز کی عالمی تنظیم فیڈریشن آف انٹرنیشنل کرکٹرز ایسوسی ایشن (فیکا) کی رپورٹ پر پاکستان کرکٹ بورڈ (پی سی بی) نے اپنے تحفظات کا اظہار کیا ہے۔

لیگز میں ادائیگیوں کے حوالے سے فیکا کی رپورٹ میں کہا گیا کہ پی ایس ایل اور آئی پی ایل سمیت متعدد لیگز میں ادائیگیوں کے معاملے پر شکایت ملی ہیں۔

فیکا نے اپنی رپورٹ میں الزام عائد کیا کہ گزشتہ 24 ماہ کے دوران ان لیگز میں ادائیگیوں میں بےضابطگی سامنے آئی ہے۔

فیکا کی رپورٹ کے بعد پی سی بی نے کرکٹرز کی ایسوسی ایشن فیکا سے رابطہ کیا۔

اس بارے میں ڈائریکٹر انٹرنیشنل پی سی بی عثمان واہلہ کا کہنا ہے کہ فیکا کی رپورٹ میں پی ایس ایل کے بارے میں غلط کہا گیا ہے، فیکا کو تحریری طور پر رپورٹ پر اپنے تحفظات سے آگاہ کیا گیا ہے۔

عثمان واہلہ نے یہ بھی کہا کہ گزشتہ دو سال تو کیا، تمام 9 ایڈیشنز میں ادائیگیوں کی تاخیر کا کوئی معاملہ نہیں ہوا۔