January 29, 2022 | 10:07 am

پی ایس ایل7 میں آج 2 میچز کھیلے جائیں گے

psl7 mein ajj 2 matches khely jaenge
پاکستان سُپر لیگ (پی ایس ایل) میں آج دو میچز کھیلے جائیں گے۔

لیگ کا پہلا میچ دن 2 بجے ملتان سلطانز اور لاہور قلندرز کے درمیان جبکہ دوسرا میچ شام 7 بجے کراچی کنگز اور کوئٹہ گلیڈیٹرز کے درمیان کھیلا جائے گا۔

کوئٹہ گلیڈیٹرز اور کراچی کنگز کو اپنے ابتدائی میچز میں شکست ہوئی تھی۔

واضح رہے کہ لاہور قلندرز لیگ میں آج اپنا پہلا میچ سلطانز کے خلاف کھیلے گی، جبکہ ملتان سلطانز اپنا پہلا میچ کراچی کنگز کے خلاف جیت چکی ہے۔

اس سے قبل پاکستان سپر لیگ کے دوسرے میچ میں میں پشاور زلمی نے کوئٹہ گلیڈی ایٹرز کی جانب سے دیا گیا 191 رنز کا ہدف 19 اعشاریہ 4 اوورز میں 5 وکٹ پر حاصل کرلیا۔

دوسری جانب پاکستان سپر لیگ (پی ایس ایل سیون) کے میچز میں 12 سال سے کم عمر شائقین کے داخلوں کے معاملے پر پاکستان کرکٹ بورڈ (پی سی بی) نے بچوں کیلئے خریدے جانے والے ٹکٹس ری فنڈ کرنے کا اعلان کردیا۔

ٹکٹس ری فنڈ کے حوالے سے پاکستان کرکٹ بورڈ کا کہنا ہے کہ ری فنڈ کی سہولت سے 30 جنوری رات بارہ بجے تک فائدہ اٹھایا جاسکتا ہے۔