October 13, 2026 | 02:45 pm

آئی سی سی ون ڈے ورلڈکپ 2027 کے ٹکٹس کی ڈیمانڈ میں ریکارڈ اضافہ

آئی سی سی ون ڈے ورلڈکپ 2027 کے ٹکٹس کی طلب میں ریکارڈ اضافہ دیکھنے میں آیا ہے۔

انٹرنیشنل کرکٹ کونسل (آئی سی سی) کے مطابق صرف 12 دنوں کے دوران ٹکٹوں کے لیے ایک کروڑ 50 لاکھ 83 ہزار سے زائد درخواستیں موصول ہوچکی ہیں۔

آئی سی سی کا کہنا ہے کہ ورلڈکپ ٹکٹوں کے لیے جاری بیلٹ رجسٹریشن میں اب تک 44 لاکھ افراد اپنی رجسٹریشن کروا چکے ہیں، جبکہ 142 ممالک سے شائقین کی جانب سے ٹکٹوں کے حصول کے لیے درخواستیں آئی ہیں۔

آئی سی سی کی رپورٹ کے مطابق شائقین کرکٹ 21 نومبر تک ٹکٹوں کے لیے بیلٹ میں رجسٹریشن کروا سکتے ہیں۔

واضح رہے کہ آئی سی سی ون ڈے ورلڈکپ 2027 کی میزبانی جنوبی افریقہ، زمبابوے اور نمیبیا مشترکہ طور پر کریں گے۔