ایشین گیمز: ٹیم کی نظریں گولڈ میڈل جیتنے پر ہیں: بھارتی بیٹنگ کوچ

جاپان میں جاری ایشین گیمز کے مینز کرکٹ ایونٹ کے گولڈ میڈل میچ میں پاکستان اور بھارت کی ٹیمیں آج مدمقابل ہوں گی، دونوں ٹیمیں ٹورنامنٹ میں اب تک ناقابل شکست ہیں۔

اس حوالے سے بھارتی ٹیم کے بیٹنگ کوچ ہریشیکیش کنیٹکر نے گولڈ میڈل میچ سے قبل کہا کہ یہ ان کی ٹیم کے لیے ایک اور انٹرنیشنل میچ ہے، تاہم ایشین گیمز کا گولڈ میڈل جیتنے کی اپنی خاص اہمیت ہے۔

انہوں نے کہا کہ ٹیم کی نظریں گولڈ میڈل جیتنے پر ہیں کیونکہ یہ کامیابی بھارت کے مجموعی میڈلز ٹیبل میں بھی شامل ہوگی۔

ہریشیکیش کنیٹکر نے کہا کہ بڑے میچز میں اہم لمحات فیصلہ کن ثابت ہوتے ہیں اور بھارت کے کھلاڑی ماضی میں مختلف سطحوں پر ایسے لمحات سے کامیابی سے نمٹ چکے ہیں۔

واضح رہے کہ پاکستان اور بھارت کے درمیان فائنل پاکستانی وقت کے مطابق صبح 9:30 بجے شروع ہوگا۔