ایشین گیمز: پاک بھارت فائنل میں محسن نقوی میڈلز دینے جائیں گے؟

رپورٹ: سہیل عمران۔۔۔جاپان میں جاری ایشین گیمز کا کرکٹ فائنل کل پاکستان اور بھارت کے درمیان کھیلا جائے گا۔

اس حوالے سے ایشین کرکٹ کونسل (اے سی سی) نے اعلان کیا ہے کہ صدر محسن نقوی ایشین گیمز کے فائنل ڈے پر موجود نہیں ہوں گے۔

اے سی سی کے مطابق صدر اے سی سی محسن نقوی پہلے سے طے شدہ مصروفیات کے باعث کرکٹ کے فائنل ڈے پر شرکت نہیں کر سکیں گے۔

صدر ایشین کرکٹ کونسل محسن نقوی نے ایشین گیمز میں میڈلسٹ ٹیموں کے لیے نیک خواہشات کا اظہار کیا ہے۔

واضح رہے کہ گولڈ میڈل کے حصول کے لیے کل پاکستان اور بھارت آمنے سامنے ہوں گے جبکہ سلور اور برانز میڈل کے لیے کل بنگلا دیش اور سری لنکا کے درمیان میچ ہوگا۔