سری لنکا نے دورہ پاکستان کیلئے اسکواڈ کا اعلان کردیا

کولمبو: سری لنکا کرکٹ نے دورہ پاکستان میں ہونے والی ٹی ٹوئنٹی سیریز کے لیے 15 رکنی اسکواڈ کا اعلان کردیا۔

پندرہ رُکنی سری لنکن اسکواڈ کی قیادت کوشال مینڈس کریں گے جبکہ دیگر کھلاڑیوں میں کامل مشارا، سنتھ جے وردھنے، لاہیرو اُدارا، سہان اراچیگے، کمندو مینڈس، دسُن شناکا شامل ہیں۔

ان کے علاوہ دیگر کھلاڑیوں میں چمندو وکرما سنگھے، دونیتھ ویلالاگے، مہیش تھیکشانا، وجے اکانتھ ویاساکانتھ، دُشمانتا چمیرا، بینورا فرنانڈو، نوان توشارا اور ایشان ملنگا بھی شامل ہیں۔

علم میں رہے کہ پاکستان اور سری لنکا کے درمیان تین ٹی ٹوئنٹی میچز پر مشتمل سیریز کا آغاز 9 اکتوبر سے ہوگا جبکہ اگلے دو میچز 11 اور 13 اکتوبر کو شیڈول ہیں۔

دونوں ملکوں کی ٹیموں کے درمیان 3 ٹی ٹوئنٹی میچز پنڈی کرکٹ اسٹیڈیم میں کھیلے جائیں گے۔