ایشین گیمز: پاکستان کو سیمی فائنل میں بھارت سے شکست

جاپان میں جاری ایشین گیمز میں ہاکی کے مقابلے میں بھارت نے پاکستان کو تین کے مقابلے میں چار گول سے شکست دے دی۔

ایشین گیمز کا ہاکی سیمی فائنل پاکستان اور بھارت کے درمیان کھیلا گیا جو دلچسپ و  سنسنی خیز رہا، میچ کا آغاز بھارت کی جانب سے جارحانہ انداز میں ہوا۔

بھارت کے ہرمنپریت سنگھ نے میچ کے 5ویں اور 13ویں منٹ میں گول کر کے اپنی ٹیم کو شاندار شروعات دلائی۔ اس کے بعد 23ویں منٹ میں سکھجیت سنگھ نے گول کر کے بھارت کی برتری 3-0 کر دی۔

پاکستان ٹیم نے شاندار کم بیک کرتے ہوئے مقابلے میں واپسی کی۔ 30ویں منٹ میں ابو محمود نے پاکستان کے لیے پہلا گول داغ کر اسکور 3-1 کیا۔

تیسرے کوارٹر کے 45ویں منٹ میں حنان شاہد نے بہترین فیلڈ گول کر کے برتری کو مزید کم کر دیا۔ اس کے بعد 49ویں منٹ میں رانا وحید اشرف نے شاندار گول کر کے مقابلہ 3-3 سے برابر کر دیا۔

میچ کے آخری منٹ میں بھارت کے ابھیشیک نے فیصلہ کن گول کر کے اپنی ٹیم کی فتح یقینی بنائی۔ پاکستان کا تیسری پوزیشن کے لیے  میچ ملائیشیا یا کوریا کی کسی ایک ٹیم سے ہوگا۔