ایشین گیمز میں گولڈ میڈل کے حصول کیلئے کرکٹ کا بڑا ٹاکرا طے

جاپان میں جاری ایشین گیمز میں کرکٹ کے مقابلے میں دوسرے سیمی فائنل میں بھارت نے سری لنکا کو 124رنز سے شکست دے کر فائنل کے لیے کوالیفائی کرلیا جہاں اس کا مقابلہ پاکستان ٹیم سے ہوگا۔

کاروگی اسپورٹس پارک میں کھیلے گئے میچ میں سری لنکا نے ٹاس جیت کر بھارت کو پہلے بیٹنگ کی دعوت دی جس کے جواب میں بھارتی ٹیم نے مقررہ 20 اوورز میں 7 وکٹوں کے نقصان پر 169 رنز اسکور کئے۔

بھارت کی جانب سے اشان کشن 80 رنز کے ساتھ نمایاں بیٹر رہے، جنہوں نے 46 گیندوں میں 5 چھکوں اور 4 چوکوں کی بدولت 80 رنز کی دھواں دار اننگز کھیلی جبکہ اوپننگ بیٹر سوریا ونشی نے 38 رنز اسکور کئے۔

سری لنکن ٹیم 170 رنز کے ہدف کے تعاقب میں بری طرح ناکام رہی اور9.5اوورز میں صرف 45 رنز بنا کر آل آؤٹ ہوگئی۔ سری لنکا کے ابتدائی بیٹرز صفر میں پویلین لوٹے جبکہ صرف فرنینڈو 15 رنز کے ساتھ نمایاں بیٹر رہے۔

واضح رہے کہ پاکستان اور بھارت کے درمیان گولڈ میڈل کے حصول کے لیے 3 اکتوبر کو کھینچا تانی ہوگی جبکہ برانز میڈل کا میچ 3 اکتوبر کو بنگلا دیش اور سری لنکا کے درمیان ہوگا۔