دوسرا ٹیسٹ: ویسٹ انڈیز کے 6 کھلاڑی آؤٹ، 60 رنز کی برتری

پورٹ آف اسپین ٹیسٹ کے تیسرے روز پاکستان ٹیم ویسٹ انڈیز کی جانب سے پہلی اننگز میں 344 رنز کے جواب میں اپنی پہلی اننگز میں 387 رنز بنا کر آل آؤٹ ہوگئی اور 43 رنز کی برتری حاصل کرلی۔

مہمان ٹیم کی جانب سے عبد اللہ شفیق 160 رنز کے ساتھ ناقابل شکست رہے جبکہ کپتان بابراعظم نے 88 رنز اسکور کئے۔ویسٹ انڈیز کی جانب سے جومیل وریکون نے 6، شمار جوزف نے 2 جبکہ جیڈن سیلز نے ایک وکٹ اپنے نام کی۔

ویسٹ انڈیز نے ٹاس جیت کر پہلے بیٹنگ کرنے کا فیصلہ کیا اور اپنی پہلی اننگز میں 344 رنز بنائے، میزبان ٹیم کی جانب سے کپتان روسٹن چیز 70 اور جسٹن گریوز 73 رنز بنا کر ٹاپ اسکورر رہے۔

پاکستان کی جانب سے ساجد خان نے چار، عبید شاہ، محمد علی اور علی عثمان نے دو، دو وکٹیں حاصل کیں۔

کھیل کے تیسرے روز ویسٹ انڈیز کی ٹیم اپنی دوسری اننگز میں دن کے اختتام تک6وکٹ پر 103رنز بنالئے  اور 60 رنز کی برتری حاصل کرلی ہے۔ ساجد خان نے 4 اور علی عثمان نے 2 کھلاڑیوں کو میدان سے باہر کیا۔