پی بی سی سی نے کھلاڑیوں کیلئے ماہانہ اعزازیہ میں اضافے کا اعلان کر دیا

رپورٹ: سہیل عمران۔۔۔ پاکستان بلائنڈ کرکٹ کونسل (پی بی سی سی) نے کھلاڑیوں کے لئے ماہانہ اعزازیہ میں اضافے کا اعلان کر دیا۔

پاکستان بلائنڈ کرکٹ کونسل نے ماہانہ اعزازیہ حاصل کرنے والے 18 کھلاڑیوں کے ناموں کا اعلان کر دیا ہے، اے کیٹیگری میں دو،بی میں 4 اور سی میں 12 کھلاڑی شامل ہیں۔

پی بی سی سی کے مطابق 18 کھلاڑیوں کو اے،بی اور سی کیٹیگری میں اعزازی رقم دی جائے گی، اے کیٹیگری میں شامل کھلاڑیوں کو 32 ہزار،بی کو 26 ہزارجبکہ سی کیٹیگری کو 22 ہزار روپے ماہانہ ملیں گے۔

پی بی سی سی کے مطابق کھلاڑیوں کو ماہانہ اعزازیہ چھ مہینوں کے لئے دیئے گئے ہیں، ماہانہ اعزازیہ جولائی سے دسمبر 2026 تک دیئے جائیں گے۔