گلاسگو میں پاکستانی باکسر کی پراسرار گمشدگی، وطن واپسی سے چند گھنٹے قبل غائب

رپورٹ: عتیق الرحمٰن۔۔۔ کامن ویلتھ گیمز میں پاکستان کی نمائندگی کرنے والے باکسر قدرت اللہ اسکاٹ لینڈ کے شہر گلاسگو سے قومی ٹیم کے ہمراہ وطن واپس نہیں پہنچ سکے۔

ذرائع کے مطابق کامن ویلتھ گیمز میں شرکت کرنے والے باکسر قدرت اللہ روانگی سے چھ گھنٹے قبل اچانک غائب ہوگئے جبکہ پاکستان باکسنگ فیڈریشن کے ذرائع نے قدرت اللہ کی روپوشی کی تصدیق بھی کردی ہے۔

ذرائع کا بتانا ہے کہ قدرت اللہ رات 2 بجے تک کمرے میں تھے اور صبح 9 بجے باکسنگ ٹیم کی واپسی کے لیے ہوٹل لابی میں اکھٹے ہونا تھا۔

ذرائع کا کہنا ہے کہ قدرت اللہ کو کمرے میں دیکھنے گئے تو وہ وہاں موجود نہیں تھے، قدرت اللہ کا پاسپورٹ اور واپسی کا ٹکٹ ٹیم منیجر کے پاس ہے۔

یاد رہے کہ 2022 میں انگلینڈ میں ہونے والے کامن ویلتھ گیمز سے بھی دو باکسر روپوش ہوگئے تھے۔