عبد اللہ شفیق کی شاندار سنچری، پاکستان کو پہلی اننگز میں 266 رنز تک پہنچا دیا

پورٹ آف اسپین میں کھیلے جارہے سیریز کے دوسرے ٹیسٹ میں پاکستان نے اپنی پہلی اننگز میں 2 وکٹوں کے نقصان پر 266 رنز بنا لیے۔

ویسٹ انڈیز نے ٹاس جیت کر پہلے بیٹنگ کرنے کا فیصلہ کیا اور دوسرے دن تک کھیلتے ہوئے پہلی اننگز میں 344 رنز بنائے۔ کپتان روسٹن چیز 70 اور جسٹن گریوز 73 رنز بنا کر ٹاپ اسکورر رہے۔

پاکستان کی جانب سے ساجد خان نے چار، عبید شاہ، محمد علی اور علی عثمان نے دو، دو وکٹیں حاصل کیں۔

مہمان ٹیم کی جانب سے پہلی اننگز میں اوپننگ بیٹر اذان اویس 55 اور امام الحق 14 رنز بنا کر آؤٹ ہوئے جبکہ وکٹ پر عبد اللہ شفیق 107 اور کپتان بابراعظم 86 رنز کے ساتھ موجود ہیں۔

پاکستان ٹیم نے اب تک 66 اوورز کا سامنا کیا ہے اور 266 رنز بن چکے ہیں اسے ویسٹ انڈیز کی پہلی اننگز کا اسکور برابر کرنے کے لیے مزید 78 رنز درکار ہیں۔

خیال رہے کہ پہلے ٹیسٹ میچ میں ویسٹ انڈیز نے پاکستان کو باآسانی شکست دے کر دو میچز کی سیریز میں 0-1 کی برتری حاصل کرلی تھی۔