این سی اے وائٹ بال کیمپ کا پہلا مرحلہ کل مکمل ہوگا

رپورٹ: سہیل عمران۔۔۔ نیشنل کرکٹ اکیڈمی (این سی اے) میں 15 جون سے شروع ہونے والے این سی اے وائٹ بال کیمپ کا پہلا مرحلہ کل ختم ہو جائے گا۔

کیمپ میں شامل کرکٹرز آج پریکٹس میچ کھیلیں گے اور کل معمول کی ٹریننگ کریں گے جس کے ساتھ کیمپ ختم ہو جائے گا۔

نیشنل چیمپئن کپ کے لیے کھلاڑی 8 اگست کو ملتان میں رپورٹ کریں گے چار ٹیموں کا نیشنل چیمپئن کپ 11 سے 18 اگست تک ملتان میں ہو گا۔

نیشنل چیمپئن کپ کے بعد این سی اے وائٹ بال کیمپ کا دوسرا مرحلہ شروع ہو گا این سی اے وائٹ بال کیمپ میں دستیاب کھلاڑی 18 ستمبر تک ٹریننگ کریں گے جبکہ وائٹ بال کیمپ میں شامل ٹی ٹوئنٹی ٹیم کے کھلاڑی ایشین گیمز میں حصہ لیں گے۔

علم میں رہے کہ ایشین گیمز میں کرکٹ کا ایونٹ 19 ستمبر سے 4 اکتوبر تک شیدول ہے۔