دورہ ویسٹ انڈیز کیلئے قومی کھلاڑیوں کی بھرپور پریکٹس

پاکستان کی ٹیسٹ ٹیم نے دورہ ویسٹ انڈیز کی تیاریاں شروع کر دی ہیں اور دورے کے لیے منتخب اسکواڈ نے راولپنڈی کرکٹ اسٹیڈیم میں بھرپور ٹریننگ سیشن کیا۔

پاکستان ٹیسٹ اسکواڈ نے راولپنڈی کرکٹ اسٹیڈیم میں ویسٹ انڈیز کے دورے کی تیاریوں کے سلسلے میں بھرپور پریکٹس کی۔

کھلاڑیوں نے صبح کے سیشن میں فزیکل ٹریننگ کے بعد بیٹنگ، بولنگ اور فیلڈنگ کی پریکٹس کی ۔ کیمپ میں کھلاڑی کل سے دو روزہ پریکٹس میچ کھیلیں گے ۔

مختصر دورانیے کا یہ کیمپ 12 جولائی کو ختم ہوگا اور ٹیم 13 جولائی کو اسلام آباد سے ویسٹ انڈیز روانہ ہوگی ۔

پاکستان اور ویسٹ انڈیز کے درمیان دو ٹیسٹ میچز پر مشتمل سیریز کا پہلا ٹیسٹ 25 جولائی اور دوسرا ٹیسٹ 2 اگست سے کھیلا جائے گا۔

علم میں رہے کہ پاکستان ٹیسٹ ٹیم ویسٹ انڈیز کے بعد تین ٹیسٹ میچز کی سیریز کے لیے انگلینڈ پہنچے گی۔

پاکستان اور انگلینڈ کی ٹیم کے درمیان ٹیسٹ میچز 19 اگست ، 27 اگست اور 9 ستمبر سے کھیلے جائیں گے۔