افغان کرکٹر شپور زدران کی نماز جنازہ ادا کردی گئی

افغانستان کرکٹ ٹیم کے سابق فاسٹ بولر شپورزدران کی نماز جنازہ کابل میں ادا کر دی گئی۔

افغان کرکٹ بورڈ (اے سی بی) کے مطابق شپور زدران کی نماز جنازہ میں اے سی بی بورڈ ممبر،سابق اور موجودہ افغان کرکٹرز سمیت ہزاروں افراد کی شرکت کی۔

علم میں رہے کہ شپور زدران کینسر کی بیماری میں مبتلا تھے اور طویل علالت کے بعد چند روز قبل انتقال کر گئے تھے۔

شپور زدران نے 44 ون ڈے، 36 ٹی ٹوئنٹی انٹرنیشنل میچز میں افغانستان کی نمائندگی کی۔