بین اسٹوکس کی ریٹائرمنٹ ویڈیو پر آئی سی سی نے ای سی بی سے وضاحت طلب کرلی

انٹرنیشل کرکٹ کونسل (آئی سی سی) نے بین اسٹوکس کی ریٹائرمنٹ ویڈیو پر انگلینڈ اینڈ ویلز کرکٹ بورڈ سے وضاحت طلب کرلی۔

آئی سی سی کا کہنا ہے کہ بین اسٹوکس کی ڈریسنگ روم میں ریٹائرمنٹ تقریر کی ویڈیو ٹیسٹ میچ ختم ہونے سے پہلے نشر کی گئی۔

آئی سی سی نے کہا ہے کہ میچ کے دوران ڈریسنگ روم کی آڈیو اور ویڈیو جاری کرنا آئی سی سی کے ضوابط کی خلاف ورزی ہے۔

آئی سی سی کے مطابق ای سی بی نے ڈریسنگ روم کی ریکارڈنگ اور وڈیو نشر کرکے قوانین کی خلاف ورزی کی ہے۔

واضح رہے کہ بین اسٹوکس نے ساتھی کھلاڑیوں کو ریٹائرمنٹ سے آگاہ کرنے والی تقریر کھیل شروع ہونے سے قبل کی تھی اور آئی سی سی کے مطابق ڈریسنگ روم میں ریکارڈ کی گئی ویڈیو میچ کے اختتام سے پہلے جاری نہیں کی جاسکتی۔