فیفا صدر نے ڈونلڈ ٹرمپ کی کال کی تصدیق کردی

بین الاقوامی فٹ بال فیڈریشن فیفا کے صدر جیانی انفانٹینو نے امریکی صدر ڈونلڈ ٹرمپ کی کال موصول ہونے کی تصدیق کردی۔

ایک بیان میں جیانی انفانٹینو نے کہا کہ صدر ٹرمپ سے بات چیت کے دوران بتایا کہ فولارن بیلاگن کیس فیفا کے آزاد عدالتی کمیشن میں زیر سماعت ہے۔

انہوں نے مزید کہا کہ فیفا کے جوڈیشل ادارے مکمل طور پر آزاد ہیں، فیصلے صرف قوانین اور حقائق کی بنیاد پر کرتے ہیں، میں فیفا ڈسپلنری کمیٹی کے فیصلے جاری ہونے کے بعد ہی انہیں پڑھتا ہوں۔

جیانی انفانٹینو نے یہ بھی کہا کہ بعض فیصلوں سے اتفاق ہوتا ہے، بعض پر حیرت ہوتی ہے اور بعض سے اختلاف بھی ہوتا ہے۔

ان کا کہنا تھا کہ ذاتی رائے سے قطع نظر، آزاد فیفا کے جوڈیشل اداروں کے فیصلوں کا احترام ہمیشہ کرتا ہوں۔

فیفا صدر نے کہا کہ دنیا بھر کے سربراہانِ مملکت، حکومتی عہدیداروں اور فٹبال سے وابستہ شخصیات کی کالز معمول کا حصہ ہیں۔