فیفا ورلڈ کپ: انگلینڈ کوارٹر فائنل میں، میزبان میکسیکو کا سفر ختم

فیفا ورلڈ کپ 2026 کے پری کوارٹر فائنل میں انگلینڈ نے میزبان میکسیکو کو3-2سے شکست دے کر کوارٹر فائنل کے لیے کوالیفائی کر لیا، جہاں اس کا مقابلہ ناروے سے ہوگا۔

میکسیکو سٹی اسٹیڈیم میں کھیلے گئے مقابلے میں میزبان ٹیم نے ابتدائی لمحات میں گیند پر زیادہ کنٹرول رکھا، تاہم انگلینڈ نے چند ہی منٹوں میں 2 گول کرکے میچ کا نقشہ بدل دیا۔

انگلینڈ کی جانب سے پہلا گول جوڈ بیلنگھم نے 36 ویں منٹ پر کیا پھر دوسرے منٹ پر بیلنگھم نے ایک اور گول کرکے ٹیم کو ایک اور برتری دلا دی۔

میزبان میکسیکو کی جانب سے جولین کوئنونیس نے 42 ویں منٹ پر زور دار کک لگاتے ہوئے خسارہ 2-1 کر دیا۔کھیل کے دوسرے ہاف میں انگلینڈ کو اس وقت دھچکا لگا جب جاریل کوانسا کو 54ویں منٹ پر ریڈ کارڈ دکھا دیا گیا، جس کے بعد انگلش ٹیم بقیہ میچ دس کھلاڑیوں کے ساتھ کھیلتی رہی۔

انگلش فٹبالر ہیری کین نے 60 ویں منٹ پر پنالٹی کک کی بدولت گول کرکے انگلینڈ کی برتری 3-1 کر دی، کھیل کے 69 ویں منٹ پر میکسیکو کو بھی پنالٹی کک ملی جس پر راؤل خیمنیز نے گول کرکے خسارہ کم کیا۔

کھیل کے اختتام پر انگلینڈ نے میکسیکو کی جانب سے 2 گول کے مقابلے میں 3 گول کی بدولت کوارٹر فائنل میں جگہ بنا لی جہاں اس کا مقابلہ 11 جولائی کو میامی میں ناروے سے ہوگا۔