ویسٹ انڈیز کیخلاف ون ڈے سیریز سے قبل بین سیئرز انجری کے باعث باہر

ویسٹ انڈیز کے خلاف ون ڈے سیریز سے قبل نیوزی لینڈ کرکٹ ٹیم کو بڑا دھچکا لگا ہے، فاسٹ بولر بین سیئرز ٹخنے کی انجری کے باعث اسکواڈ سے باہر ہوگئے۔

نیوزی لینڈ کرکٹ کے مطابق بین سیئرز مئی میں آئرلینڈ کے خلاف چار روزہ ٹیسٹ میچ کے بعد سے ٹخنے کی تکلیف کا شکار تھے جبکہ انگلینڈ کے خلاف ٹرینٹ برج میں کھیلے گئے تیسرے ٹیسٹ کے آخری روز یہ مسئلہ مزید شدت اختیار کر گیا تھا۔

نیوزی لینڈ کرکٹ بورڈ کا کہنا ہے کہ بین سیئرز کی جگہ فاسٹ بولر بین لسٹر کو اسکواڈ میں شامل کر لیا گیا ہے جو آئندہ چند روز میں گیانا میں ٹیم کو جوائن کریں گے۔

کپتان مچل سینٹنر کی قیادت میں کیوی ٹیم ویسٹ انڈیز کے خلاف پانچ ون ڈے میچز پر مشتمل سیریز کا آغاز 11 جولائی سے گیانا میں کرے گی۔