فیفا ورلڈ کپ: امریکا نے بوسنیا کو 2-0 سے ہرا کر پری کوارٹر فائنل میں رسائی حاصل کرلی

فیفا ورلڈ کپ 2026 میں میزبان امریکا نے ایک کھلاڑی کم ہونے کے باوجود شاندار کھیل کا مظاہرہ کرتے ہوئے بوسنیا کو 2-0 سے شکست دے کر پری کوارٹر فائنل میں رسائی حاصل کرلی۔

اس کامیابی کے بعد امریکا کا پری کوارٹر فائنل میں 6 جولائی کو سیئٹل میں بیلجیئم سے مقابلہ ہوگا، جس نے اسی روز اضافی وقت میں سینیگال کو شکست دے کر اگلے مرحلے کے لیے کوالیفائی کیا تھا۔

امریکا کی جانب سے پہلا گول فولارن بالوگن نے پہلے ہاف کے اختتامی لمحات میں کیا۔ دوسرے ہاف کے 64ویں منٹ میں امریکا کے فولارن بالوگن کو ریڈ کارڈ دکھا دیا گیا، جس کے بعد امریکا کو بقیہ میچ 10 کھلاڑیوں کے ساتھ کھیلنا پڑا۔

ایک کھلاڑی کی کمی کے باوجود امریکی ٹیم دباؤ کا شکار نہ ہوئی اور 82ویں منٹ میں ملک تلمان نے شاندار فری کک پر گول کرکے ٹیم کی برتری دگنی کردی۔

میچ کے اختتام پر امریکا نے 0-2 سے کامیابی حاصل کرتے ہوئے پری کوارٹر فائنل میں جگہ بنالی، جہاں اس کا مقابلہ بیلجیئم سے ہوگا۔