ایمباپے کے دو گول، فرانس نے سوئیڈن کو شکست دے کر پری کوارٹر فائنل میں جگہ بنا لی

فیفا ورلڈ کپ کے راؤنڈ 32 کا میچ نیویارک اسٹیڈیم میں فرانس اور سوئیڈن کے درمیان کھیلا گیا جس میں فرانس نے سوئیڈن کو 0-3 سے شکست دے کر پری کوارٹر فائنل میں جگہ بنا لی۔

دونوں ملکوں کی ٹیموں کے مابین کھیلے گئے اس اہم میچ میں کپتان کائلین ایمباپے نے شاندار کارکردگی کا مظاہر کیا اور ٹیم کے لیے 2 گول اسکور کیے اور ورلڈ کپ کی تاریخ میں اپنے مجموعی گولوں کی تعداد 18 تک پہنچا دی۔

فرانسیسی ٹیم نے آغاز ہی سے جارحانہ کھیل پیش کیا اور پہلے ہاف میں سوئیڈن کے گول پر مسلسل حملے کیے اور پہلے ہاف کے اختتامی لمحات میں ایمباپے نے زبردست شاٹ کے ذریعے فرانس کو برتری دلا دی۔

دوسرے ہاف میں بھی فرانس کا دباؤ برقرار رہا اور 53 ویں منٹ پر بریڈلی بارکولا نے شاندار فنش کے ذریعے اسکور 0-2 کر دیا، میچ کے 74ویں منٹ میں  ایمباپے نے اپنا دوسرا اور ٹیم کا تیسرا گول اسکور کرکے فتح پر مہر لگا کر دی۔

اس کامیابی کے ساتھ فرانس نے پری کوارٹر فائنل راؤند 16 میں جگہ بنا لی، جہاں اس کا مقابلہ 4 جولائی کو فلاڈیلفیا اسٹیڈیم میں پیراگوئے سے ہوگا۔