فیفا ورلڈ کپ: ماروکو نے نیدر لینڈز کو ہرا کر راؤنڈ 16 کیلئے کوالیفائی کرلیا

فیفا ورلڈ کپ 2026 میں ماروکو (مراکش) نے نیدرلینڈز کو پنالٹی شوٹ آؤٹ میں شکست دے کر راؤنڈ 16 کے لیے کوالیفائی کرلیا۔

اسٹیڈیو اسٹیڈیم میں کھیلے گئے راؤنڈ 32 کے میچ میں نیدرلینڈز اور ماروکو کے درمیان مقابلہ 1-1 سے برابر رہا۔

کھیل کے دوسرے ہاف میں نیدرلینڈز کی جانب سے کوڈی گیکپو نے پہلا گول کرکے ٹیم کو برتری دلا دی مگر کھیل کے ا نجری ٹائم پر ماروکو نے اعصاب پر قابو پاتے ہوئے ایک گول کردیا جس پر میچ پنالٹی شوٹ آؤٹ کی جانب چلا گیا۔

ماروکو اور نیدرلینڈز کے درمیان پنالٹی شوٹ آؤٹ کے مقابلے میں کئی گول ضائع ہوئے مگر ماروکو کے اسمعٰیل صابری نے آخری موقع ضائع کئے بغیر فیصلہ کن گول کرتے ہوئے  3-2 سے اپنی ٹیم کو اگلے مرحلے میں پہنچا دیا۔

اس کامیابی کے ساتھ مراکش نے پری کوارٹر فائنل میں جگہ بنا لی، جہاں 4 جولائی کو ہیوسٹن میں اس کا مقابلہ مشترکہ میزبان کینیڈا سے ہوگا۔