ناٹنگھم ٹیسٹ: نیوزی لینڈ نے انگلینڈ کو ہراکر سیریز 1-2 سے جیت لی

ناٹنگھم ٹیسٹ میں نیوزی لینڈ نے انگلینڈ کو 160 رنز سے ہرا کر تین میچز کی سیریز بھی دو ایک سے جیت لی۔

دوسری اننگز میں 373 رنز کے تعاقب میں انگلش ٹیم 212 رنز بنا کرآؤٹ ہوگئی، سیریز کے ساتھ انگلینڈ کے کپتان بین اسٹوکس کا انٹرنیشنل کیریئر بھی ختم ہوگیا۔

ٹیسٹ کے آخری دن انگلینڈ نے 373 کے تعاقب میں دوسری نامکمل اننگز 103رن 4 کھلاڑی آؤٹ سے آگے بڑھائی، لیکن نیوزی لینڈ کے بولرز ایک ایک کر کے وکٹیں گراتے رہے۔

تجربہ کار بیٹر جو روٹ 18رن بنا کر رن آوٹ ہوئے، اننگز کے کامیاب ترین بیٹر جیمی اسمتھ 60 رن بنا سکے اور انگلینڈ کی پوری ٹیم 212 رنز بنا کر آؤٹ ہوگئی۔

زیک فولکس نے 3 کھلاڑیوں کوآؤٹ کیا جبکہ نیتھن اسمتھ اور مچل سینٹنر نے 2، 2 وکٹیں حاصل کیں۔

نیوزی لینڈ نے ٹیسٹ میچ 160 رنز کی کامیابی کے ساتھ 3 میچز کی سیریز بھی 1-2 سے اپنے نام کر لی۔

ٹیسٹ میں 5 کیچز لینے والے دوسری اننگز کے سنچری میکر ڈیرل مچل پلیئر آف دی میچ قرار پائے، سیریز کے ساتھ انگلینڈ کے بین اسٹوکس کا انٹرنیشنل کیریئر بھی ختم ہو گیا۔