فیفا ورلڈ کپ: جاپانی فینز نے اسٹیڈیم کی صفائی کرکے ایک بار پھر اعلیٰ مثال قائم کردی

کھیلوں کے مقابلوں میں جاپانی شائقین میچ کے بعد صفائی کرنے کے لیے جانے جاتے ہیں اور اس بار بھی فیفا ورلڈ کپ کے دوران جاپان کے فینز نے اسٹیڈیم میں صفائی کی روایت برقرار رکھی۔

فیفا فٹبال ورلڈکپ میں ڈیلاس اسٹیڈیم آرلنگٹن میں نیدرلینڈز کے خلاف میچ کے بعد بھی جاپانی شائقین نے صفائی کی۔

شائقین کا کہنا ہے کہ یہ کھلاڑیوں، سپورٹرز اور اسٹیڈیم کے لیے ایک عزت دینے کی طرح ہے، یہاں پر آنا ہمارے لیے اعزاز ہے اور ہم یہاں اپنے پیچھے کچرا چھوڑ کر نہیں جانا چاہتے۔

واضح رہے کہ فیفا فٹ بال ورلڈکپ میں جاپان اور نیدرلینڈز کے درمیان میچ 2-2 گول سے برابر رہا۔