سلمان علی آغا کو ٹیسٹ ٹیم کا کپتان بنائے جانے کا امکان

پاکستان کرکٹ بورڈ (پی سی بی) کے چیئرمین محسن نقوی کی زیرصدارت جمعے اورہفتے کو کرکٹ بورڈ کے اہم اجلاس ہوں گے۔

ذرائع کا بتانا ہے کہ محسن نقوی کی اہم ملاقاتیں بھی طے کر لی گئی ہیں جس کے بعد پی سی بی کے اہم عہدوں پر تقریاں کی جائیں گی، پی سی بی میں کئی انتظامی تبدیلیوں کا بھی امکان ظاہر کیا جا رہا ہے۔

ذرائع کے مطابق پاکستان کرکٹ میں اہم عہدوں پرردوبدل ، ٹیسٹ ٹیم کے کپتان کی تبدیلی ، سلیکشن کمیٹی اورٹیم مینجمنٹ میں تبدیلیاں کی جائیں گی۔

ذرائع کے مطابق قومی ٹیسٹ ٹیم کے کوچ سرفراز احمد اور کپتان شان مسعود کو ہٹائے جانے کا امکان ہے اور سلمان علی آغا کو ٹیسٹ ٹیم کی قیادت دی جاسکتی ہے۔

ذرائع کا کہنا ہے کہ پی سی بی ڈائریکٹرانٹرنیشنل کے لیے سابق کپتان محمد حفیظ کا نام زیر غور ہے جبکہ یونس خان کو پاکستان ٹیسٹ ٹیم کا ہیڈ کوچ بنائے جانے کا امکان ہے۔

ذرائع کے مطابق یونس خان کو ہیڈ کوچ کے ساتھ قومی سلیکشن کمیٹی کاحصہ بھی بنائےجانے کا امکان ہے جبکہ محمد حفیظ کو قومی سلیکشن کمیٹی میں بھی ذمہ داری دی جا سکتی ہے۔