ارشد ندیم اسپورٹس اکیڈمی کے لیےفنڈز رکھنے کی تجویز

رپورٹ: زرمین زہرا۔۔۔ وفاقی بجٹ 27۔2026 میں جیولین تھرور ارشد ندیم اسپورٹس اکیڈمی کے لیےفنڈز رکھنے کی تجویز پیش کی گئی ہے۔

دستاویز کے مطابق ارشد ندیم/شہباز شریف ہائی پرفارمنس اسپورٹس اکیڈمی کے لیے5 کروڑ روپے تجویز کی گئی ہے۔

دستاویز میں اس بات کا  ذکر ہے کہ وزیراعظم شہباز شریف کی ہدایت پر ارشد ندیم اسپورٹس اکیڈمی تعمیر کی جائے گی۔

دستاویز میں لکھا گیا ہے کہ اسپورٹس اکیڈمی پاکستان اسپورٹس کمپلیکس اسلام آباد میں تعمیرکی جائے گی۔

خرچے کے حوالے سے دستاویز میں منصوبےکی مجموعی لاگت کاتخمینہ 89کروڑ51 لاکھ روپے لگایا گیا ہے۔

واضح رہے کہ وفاقی وزیر برائے پارلیمانی امور طارق فضل چوہدری نے سوشل میڈیا پر جاری اپنے بیان میں کہا کہ بجٹ جمعہ12 جون کو قومی اسمبلی میں پیش کیے جانے کا امکان ہے۔

 وفاقی وزیر خزانہ محمد اورنگزیب قومی اسمبلی میں مالی سال 2026.27 کا وفاقی بجٹ پیش کریں گے۔