پرو لیگ: پاکستان ہاکی ٹیم آج کراچی پہنچے گی

رپورٹ: عتیق الرحمٰن۔۔۔ پاکستان ہاکی ٹیم پرو لیگ میں شرکت کے لیے آج رات لاہور سے کراچی پہنچے گی۔

پاکستان ہاکی ٹیم کراچی میں ایک رات قیام کرنے کے بعد کل صبح بیلجئیم روانہ ہوگی۔

علم میں رہے کہ پروہاکی لیگ کے تیسرے مرحلے میں 4 میچز بیلجئیم میں ہوں گے۔

پاکستان ہاکی ٹیم اپنا پہلا میچ 13 جون کوبیلجئیم کے خلاف کھیلے گی اور 14 جون کو اسپین سے مقابلہ شیڈول ہے۔

قومی ہاکی ٹیم 19 جون کو ایک بار پھر بیلجئیم سے میچ کھیلے گی اور 20 جون کو اسپین سے مقابلہ ہوگا ۔ 

 پاکستان ہاکی ٹیم بیلجئیم سے ہی انگلینڈ روانہ ہوگی جہاں وہ بھارت اور برطانیہ کے خلاف میچز کھیلے گی۔

پرو لیگ کے سلسلے میں پاکستان ہاکی ٹیم 23 جون کو روایتی حریف بھارت کا سامنا کرے گی اور 24 جون کو انگلینڈ سے میچ شیڈول ہے۔

قومی ہاکی ٹیم 26 جون کو ایک بار پھر بھارت کے خلاف میدان میں اترے گی اور 27 جون کو انگلینڈ  سے میچ کھیلا جائے گا۔