امریکا نے ایرانی فٹ بال ٹیم کو ویزے جاری کردیے

وائٹ ہاؤس نے ایران کی فٹ بال ٹیم کو ورلڈ کپ میں شرکت کےلیے امریکا کے ویزے جاری کرنے کی تصدیق کی۔

برطانوی خبر رساں ادارے سے گفتگو میں وائٹ ہاؤس حکام نے کہا کہ ایران کی فٹ بال ٹیم کو ورلڈ کپ مقابلوں کےلیے امریکا میں داخلے کے ویزے جاری کردیے گئے ہیں۔

ایران کی فٹ بال ٹیم ورلڈ کپ میں اپنے گروپ جی کا پہلا میچ 15 جون کو نیوزی لینڈ سے لاس اینجیلس میں کھیلے گی۔

ایرانی فٹبال ٹیم کا لاس اینجیلس میں ہی بیلجیئم کی ٹیم سے بھی مقابلہ ہوگا، اس کے بعد سیاٹل میں ایرانی ٹیم کا مصر سے مقابلہ ہوگا۔