ویمنز ٹی 20 ورلڈ کپ، پاکستانی ٹیم انگلینڈ پہنچ گئی

انٹرنیشنل کرکٹ کونسل (آئی سی سی) ویمنز ٹی 20 ورلڈ کپ کے لیے فاطمہ ثناء کی قیادت میں پاکستانی ٹیم آئرلینڈ سے انگلینڈ پہنچ گئی ہے۔

پاکستانی ویمنز ٹیم آج نوٹنگھم میں آرام کرے گی جبکہ کل ڈربی میں سری لنکا کے خلاف پریکٹس میچ کھیلے گی۔

پاکستان ویمنز کرکٹ ٹیم 7 جون کو ٹریننگ سیشن کرے گی جبکہ ٹی 20 ورلڈ کپ 12 جون سے شروع ہو رہا ہے۔

پاکستان ویمن ٹیم آئرلینڈ میں 3 ملکی کرکٹ سیریز میں شرکت کے بعد انگلینڈ پہنچی ہے۔

آئرلینڈ میں ڈبل ہیڈر کے فارمیٹ پر کھیلی جانے والی 3 ملکی کرکٹ سیریز میں پاکستان کو ابتدائی دونوں میچوں میں ویسٹ انڈیز اور آئرلینڈ کے خلاف شکست کا سامنا کرنا پڑا جبکہ باقی دونوں میچ اُس کے ان ہی ٹیموں کے خلاف بارش کی نذر ہوگئے۔