سلہٹ ٹیسٹ میں بنگلادیش کی گرفت مضبوط، کھانے کے وقفے تک 249 رنز کی بڑی برتری

پاکستان اور بنگلا دیش کے درمیان سلہٹ ٹیسٹ کے تیسرے دن کھانے کے وقفے تک میزبان ٹیم نے 4 وکٹوں کے نقصان پر 203 رنز بنا لیے اور مجموعی طور پر 249رنز کی برتری حاصل کرلی ہے۔

آج تیسرے دن کے کھیل کے آغاز پر بنگلا دیش کے کپتان نجم الحسین شنٹو 13 رنز کے ساتھ موجود تھے مگر یہ صرف 2 رنز کا اضافہ کرکے خرم شہزاد کی گیند پر ایل بی ڈبلو ہوگئے ۔

بنگلادیش نے پاکستان پر شکنجہ کس لیا، سلہٹ ٹیسٹ کا تیسرا دن سنسنی خیز مرحلے میں داخل

بنگلادیش نے پاکستان پر شکنجہ کس لیا، سلہٹ ٹیسٹ کا تیسرا دن سنسنی خیز مرحلے میں داخل

کھانے کے وقفے تک بنگلا دیش کے مشفیق الرحیم 39 اور وکٹ کیپر بیٹر لٹن داس 48 رنز کے ساتھ موجود ہیں۔

میزبان ٹیم کے کھیل کے دوسرے دن تک کی دوسری اننگز پر تنزید حسن، محمود الحسن اور مومن الحق بالترتیب 4، 52 اور 30 رنز کے ساتھ آؤٹ ہونے والے کھلاڑیوں میں شامل تھے،خرم شہزاد نے 2 اور محمد عباس نے ایک وکٹ حاصل کر رکھی تھی۔

واضح رہے کہ پاکستان ٹیم اپنی پہلی اننگز میں 278 رنز کے جواب میں 232 رنز ہی بنا سکی اور 46 رنز کے خسارے میں چلی گئی۔