آج کے میچ میں تینوں ڈپارٹمنٹ میں اچھی کرکٹ نہیں کھیلی: سلمان علی آغا

کراچی کنگز کے سلمان علی آغا نے کہا ہے کہ پی ایس ایل کی کارکردگی صرف پلیئر کی شناخت کیلئے کافی ہے، فوری انٹرنیشنل میں نہیں لانا چاہیے۔

کراچی میں اسلام آباد یونائیٹڈ کے خلاف میچ کے بعد پریس کانفرنس کرتے ہوئے کراچی کنگز کے بیٹنگ آل راؤنڈر کا کہنا تھا کہ آج کے میچ میں تینوں ڈپارٹمنٹ میں اچھی کرکٹ نہیں کھیلی۔

انہوں نے کہا کہ کوشش کریں گے کہ اگلے میچز میں اچھا پرفارم کرکے کم بیک کریں۔

سلمان علی آغا نے کہا کہ بطور پلیئر مجھے سیٹ ہونے کے بعد بڑا اسکور کروں۔ 20 میں اسکور جانے کے بعد مجھے اسے بڑے اسکور میں تبدیل کرنا چاہیے۔ جب ٹاپ تھری میں اسکور ہوتا ہے تو ٹیم کو فائدہ ہوتا ہے۔

سلمان علی آغا کا کہنا تھا کہ آج کا وکٹ 170 والا تھا لیکن ہم وہاں تک اسکور نہیں کرسکے۔

انہوں نے کہا کہ پی ایس ایل کی کارکردگی صرف پلیئر کی شناخت کیلئے کافی ہے، فوری انٹرنیشنل میں نہیں لانا چاہیے۔ یہاں پرفارم کرنے والے پلیئر کو ڈومیسٹک میں مزید نکھارنا چاہے۔

سلمان علی آغا کا کہنا تھا کہ ورلڈ کپ بھی اچھا نہیں رہا اور پی ایس ایل بھی اچھا نہیں جارہا جس پر مجھے تشویش تو ہے۔ 2027 ففٹی اوور ورلڈ کپ کے قریب اگر ضرورت تو ٹی ٹوئنٹی سے بریک لینے کا سوچ سکتا ہوں۔ ففٹی اوور کا ورلڈ کپ ہر کسی کیلئے اہم ہوتا ہے، میرے لیے بھی بہت اہم ہے۔

ان کا کہنا تھا کہ مجھے اسٹارٹ مل رہے ہیں لیکن میں اسکو بڑے اسکور میں تبدیل نہیں کر پا رہا۔

سلمان علی آغا نے کہا کہ کسی بھی ٹورنامنٹ کی کشش فینز سے ہوتی ہے، یہ بھی درست ہے کہ ہماری پرفارمنس ایسے نہیں کہ لوگ زیادہ سپورٹ کریں۔