پی ایس ایل کے ابتدائی 22 میچز کی ڈیجیٹل پلیٹ فارمز پر شاندار کارکردگی

پاکستان سپر لیگ (پی ایس ایل) 11 کے پہلے 22 میچز کی ڈیجیٹل پلیٹ فارمز پر شاندار کارکردگی کا سلسلہ جاری ہے۔

مختلف سوشل میڈیا پلیٹ فارمز پر صرف آرکائیو کانٹینٹ، نان لائیو اسٹریم ڈیجیٹل کانٹینٹ کی مد میں ایک اعشاریہ ایک ارب ویوز آئے ہیں۔ آرکائیو کانٹینٹ میں ریلز، شارٹ ویڈیو کلپس اور دیگر پوسٹس شامل ہیں۔

پہلے 22 میچز میں سوشل میڈیا پلیٹ فارمز پر 3 اعشاریہ 37 بلین امپریشنز بھی حاصل ہوئے۔

ان تمام میچز میں ویڈیو کانٹینٹ کی مد میں ڈیجیٹل پلیٹ فارمز پر 2 بلین منٹس سے زائد کا واچ ٹائم آیا ہے۔

یاد رہے کہ پی ایس ایل کے پہلے 22 میچز کے ان نمبرز میں ڈیجیٹل لائیو اسٹریمنگ کے نمبرز شامل نہیں ہیں۔

خیال رہے کہ پی ایس ایل 11 کے تمام میچز جیو سوپر اور مائیکو ایپ پر براہِ راست نشر کیے جارہے ہیں۔