کراچی کنگز نے محمد وسیم، خزیمہ کو ریلیز کردیا

پاکستان سپر لیگ (پی ایس ایل) فرنچائز کراچی کنگز نے سیزن 11 کے باقی میچز سے متحدہ عرب امارات (یو اے ای) کے 2 پلیئرز محمد وسیم اور خزیمہ بن تنویر کو ریلیز کردیا ہے۔

فرنچائز کے ترجمان کے مطابق کراچی کنگز نے دونوں پلیئرز کو نیشنل ڈیوٹی کی وجہ سے ٹیم سے ریلیز کیا ہے۔

کراچی کنگز کے ترجمان نے کہا کہ ہم اپنے کھلاڑیوں کی قومی ٹیم کی نمائندگی کو مکمل سپورٹ کرتے ہیں اور انہیں نیک خواہشات پیش کرتے ہیں۔

دوسری جانب کراچی کنگز نے انگلینڈ کے جارح مزاج اوپنر جیسن روئے کو محمد وسیم کے متبادل کے طور پر اسکواڈ میں شامل کر لیا ہے۔

فرنچائز انتظامیہ نے جیسن روئے کی شمولیت پر کہا کہ جیسن روئے ایک تجربہ کار اور جارحانہ اوپنر ہیں، جو ٹیم کے ٹاپ آرڈر کو مزید مضبوط بنائیں گے، انہیں اس اہم مرحلے پر ٹیم کا حصہ بنا کر خوش ہیں۔

کراچی کنگز کی طرف سے خزیمہ بن تنویر کے متبادل کا اعلان بعد میں کیا جائے گا۔