ویمنز ٹی ٹوئنٹی ورلڈ کپ کی انعامی رقم کا اعلان کر دیا گیا

انٹرنیشنل کرکٹ کونسل (آئی سی سی) نے ویمنز ٹی ٹوئنٹی ورلڈ کپ کی انعامی رقم کا اعلان کر دیا۔

واضح رہے کہ ٹی ٹوئنٹی ورلڈکپ کے انعامی رقم میں گزشتہ ورلڈکپ کی نسبت 10 فیصد اضافہ کیا گیا ہے۔

سال 2026 میں ہونے والے ویمن ٹی ٹوئنٹی ورلڈکپ کی مجموعی انعامی رقم 79 لاکھ ڈالر سے بڑھا کر 87 لاکھ 64 ہزار 615 ڈالر کی گئی ہے۔

ورلڈکپ جیتنے والی ٹیم کو 23 لاکھ 40 ہزار ڈالرز کی انعامی رقم ملے گی جبکہ ورلڈکپ کی رنر اپ ٹیم کو 11 لاکھ 70 ہزار ڈالرز کی رقم دی جائے گی۔

سیمی فائنلسٹ ہارنے والی ٹیموں کو 6 لاکھ 75 ہزار ڈالرز دیئے جائیں گے جبکہ گروپ اسٹیج میں جیتنے والی ٹیم کو 31 ہزار 154 ڈالرز ملیں گے۔

ٹورنامنٹ میں شریک ہر ٹیم کو 2 لاکھ 47 ہزار ڈالرز شرکت کے ملیں گے۔ 2024 میں ویمن ٹی ٹوئنٹی ورلڈکپ کی مجموعی انعامی رقم 79 لاکھ 58 ہزار ڈالرز تھی۔

یاد رہے کہ ویمنز ٹی ٹوئنٹی ورلڈکپ 12 جون سے انگلینڈ میں کھیلا جائے گا۔