مالدیپ کی پاکستان کو چار ملکی فٹبال ٹورنامنٹ میں شرکت کی دعوت

رپورٹ: فیضان لاکھانی۔۔۔ مالدیپ فٹبال فیڈریشن نے پاکستان کو جون میں ہونے والے ایونٹ کے لیے باضابطہ دعوت دے دی۔

واضح رہے کہ پاکستان فٹبال فیڈریشن (پی ایف ایف) اور مالدیپ فٹبال فیڈریشن کے درمیان بات چیت جاری ہے۔

پاکستان فٹبال فیڈریشن ایونٹ کے لیے ٹیم بھیجنے کے لیے پر امید ہے جبکہ ایونٹ میں دیگر دو ٹیموں کا تعلق بھی ساف ملکوں میں سے ہونے کا امکان ہے۔

اس ٹورنامنٹ کے لیے مالدیپ نے سری لنکا اور نیپال سے بھی رابطہ کیا ہے۔ مالدیپ میں ہونے والے ٹورنامنٹ کے لیے مجوزہ تاریخیں یکم سے 10 جون کی ہیں۔