سابق بھارتی کرکٹر محمد کیف بھی سلمان علی آغا کے حق میں بول پڑے

بنگلا دیش کے بولر مہدی حسن کی جانب سے اسپورٹس مین اسپرٹ بھول کر سلمان علی آغا کو رن  آؤٹ کئے جانے پر کرکٹ حلقوں میں اس ردعمل کو غیر اخلاقی قرار دیا جارہا ہے۔

اسی حوالے بھارتی کرکٹ ٹیم کے سابق کرکٹر محمد کیف پاکستان کے  سلمان علی آغا کے حق میں سامنے آگئے اور بنگلا دیش کے کپتان مہدی حسن میراز کے خلاف بول پڑے۔

بھارتی کرکٹر محمد کیف نے سوشل میڈیا پر مہدی حسن میراز کو تنقید کا نشانہ بناتے ہوئے کہا کہ وکٹ حاصل کرنے کی بے صبری اس طرز کے رن آوٹ کو درست قرار نہیں دے سکتی۔

مہدی حسن کی جانب سے رن آؤٹ کئے جانے پر سلمان علی آغا کا بیان

مہدی حسن کی جانب سے رن آؤٹ کئے جانے پر سلمان علی آغا کا بیان

محمد کیف نے کہا کہ ایسی بے صبری کا مظاہرہ ایک کپتان کی جانب سے کیا گیا جو ہوا ٹھیک نہیں ہوا، نوجوانوں یہ یاد رکھنا کہ چاہے ورلڈ کپ فائنل داو پر لگا ہو وہ نہ کرنا جو بنگلا دیش کے کپتان نے کیا، فیئر پلے کے بغیر کھیل کھیل نہیں رہتا۔

واضح رہے کہ مہدی حسن میراز نے دوسرے ون ڈے میچ میں سلمان علی آغا کو متنازع رن آوٹ کیا جس پر سلمان علی آغا نے رن آوٹ ہونے کے بعد شدید غصے کا اظہار بھی کیا۔