دی ہنڈریڈ میں ابرار احمد کو شامل کئے جانے پر ہم کچھ نہیں کرسکتے: راجیو شکلا

انگلینڈ کی دی ہنڈریڈ لیگ 2026 کی پلیئر آکشن میں آئی پی ایل ٹیم سن رائزرز حیدرآباد کی مالکن کاویا مران نے سن رائزر ز لیڈز کے لیے پاکستانی اسپنر ابرار احمد کو کروڑوں روپے میں حاصل کرلیا۔

اس حوالے سے بھارتی کرکٹ بورڈ (بی سی سی آئی) کے صدر راجیو شکلا نے ابرار احمد کو شامل کرنے پر بیان دیتے ہوئے کہا ہے کہ یہ باہر کی لیگ کا معاملہ ہے  ہماری آئی پی ایل کا نہیں ہے۔

راجیو شکلا نے کہا کہ یہ ان کا فیصلہ ہے ہم کچھ نہیں کر سکتے یہ ہمارے دائرہ اختیار میں نہیں آتا ، یہ انہوں نے غیر ملکی لیگ میں کیا ہے جہاں وہ مالک ہیں۔

واضح رہے کہ بھارتی ملکیتی سن رائزرز لیڈز نے پاکستان کے اسپنر ابرار احمد کو 1 لاکھ 90 ہزار پاونڈز میں خریدا جبکہ بھارتی مالکان کو پاکستان سے کرکٹر کو ٹیم میں شامل کرنے پر سخت تنقید کا سامنا ہے۔