پی ایس ایل 11 میں ٹکٹوں کی قیمت کتنی ہوگی؟

رپورٹ: فیضان لاکھانی۔۔۔ پاکستان سپر لیگ ( پی ایس ایل) 11 کا آغاز 26 مارچ سے قذافی اسٹیڈیم میں لاہور قلندرز اور حیدرآباد کنگز مین کے افتتاحی میچ سے ہورہا ہے۔

اس حوالے سے ذرائع کا کہنا ہے کہ پاکستا ن کرکٹ بورڈ ( پی سی بی) نے اس بار پی ایس ایل میں ٹکٹوں کی قیمتیں نہایت ہی کم رکھنے کا فیصلہ کیا ہے جس کے مطابق پی ایس ایل 11 کے لیگ میچز میں ٹکٹوں کی قیمت 300 سے 3000 تک رکھنے کا فیصلہ کیا گیا ہے۔

اس کے علاوہ ذرائع کا یہ بھی بتانا ہے کہ پی سی بی نے پاکستان سپر لیگ (پی ایس ایل) 11 میں ڈیجیٹل ٹکٹ کے آپشن کا فیصلہ کیا ہے۔

پاکستان سپر لیگ 11 کے شیڈول کا اعلان کردیا گیا

پاکستان سپر لیگ 11 کے شیڈول کا اعلان کردیا گیا

ذرائع کے مطابق پی ایس ایل 11 کے دوران مخصوص انکلوژر کے لیے ڈیجیٹل ٹکٹ کا آپشن ہوگا اور یہ آپشن کراچی ، لاہور اور راولپنڈی کے میچز میں وی آئی پی اور پریمیم انکلوژر کے لیے ہوگا۔

ذرائع نے کہا ہے کہ ان انکلوژر کے ٹکٹ ہولڈر آن لائن ٹکٹ دکھا کر گراؤنڈ میں داخل ہوسکیں گے۔

علم میں رہے کہ ایچ بی ایل پی ایس ایل 11 میں پہلی بار 8 ٹیمیں شرکت کریں گی جن میں 2 نئی ٹیمیں حیدرآباد کنگز مین اور راولپنڈی پنڈیز لیگ بھی شامل ہیں۔

پی ایس ایل 11 میں ہر ٹیم لیگ مرحلے میں 10 میچز کھیلے گی جبکہ پلے آف 28 اپریل سے شروع ہوں گے۔