بھارت میں پھنسی ویسٹ انڈیز اور جنوبی افریقہ کی ٹیمیں واپس روانہ

رپورٹ: سہیل عمران۔۔۔ انٹرنیشنل کرکٹ کونسل (آئی سی سی) نے ٹی ٹوئنٹی ورلڈکپ میں شریک ٹیموں کی وطن واپسی میں تاخیر کے معاملے پر نئی اپ ڈیٹ جاری کردی ہے۔

آئی سی سی کا کہنا ہے کہ یہ بتاتے خوشی ہورہی ہے کہ ساؤتھ افریقہ اور ویسٹ انڈیز کی ٹیمیں واپس چلی گئیں ہیں اور گزشتہ 24 گھنٹے میں جنوبی افریقہ اسکواڈ کے 29 اور ویسٹ انڈیز کے 16 ارکان واپس روانہ ہوئے ہیں۔

آئی سی سی کے مطابق عالمی طور پر مشکل سفری حالات کے باوجود ہمارا آپریشنز کامیابی سے ختم ہوگیا۔

واضح رہے کہ ویسٹ انڈیز کی ٹیم یکم مارچ کو ورلڈکپ سے باہر ہونے کے بعد سے بھارت میں پھنسی ہوئی تھی جبکہ جنوبی افریقہ کی ٹیم بھی 4 مارچ سے مشرق وسطی میں جاری کشیدگی کی وجہ سے بھارت میں رکی ہوئی تھی۔