قومی ہاکی کھلاڑی اب مختلف لیگز میں ایکشن میں نظر آئیں گے

رپورٹ: سہیل عمران۔۔۔ پاکستان ہاکی فیڈریشن (پی ایچ ایف) نے قومی ہاکی ٹیم کے کھلاڑیوں کو لیگز میں شرکت کی اجازت دے دی ہے۔

ذرائع کا بتانا ہے کہ پاکستان ہاکی ٹیم کے کھلاڑی اب مختلف لیگز میں ایکشن میں ہوں گے، کپتان عماد بٹ، معین شکیل اورغضفر لیگ کھیلنے کے لیے ہانگ کانگ پہنچ گئے ہیں۔

محسن نقوی کا قومی ہاکی ٹیم کے بے روزگار کھلاڑیوں کو ملازمتیں دینے کا اعلان

محسن نقوی کا قومی ہاکی ٹیم کے بے روزگار کھلاڑیوں کو ملازمتیں دینے کا اعلان

ذرائع کا کہنا ہے کہ سفیان خان اور احمد ندیم فرانس میں لیگ ہاکی کھیلیں گے جبکہ رانا وحید کا جرمن لیگ کے لیے ایک کلب کے ساتھ معاہدہ ہے۔

ذرائع نے یہ بھی کہا ہے کہ ہاکی ٹیم کے دو سے تین کھلاڑیوں کی آسٹریلیا میں کھیلنے کے لیے بات چیت جاری ہے۔

پاکستان ہاکی ٹیم کو جون میں پرولیگ کے میچز یورپ اور انگلینڈ میں کھیلنے ہیں اور اس حوالے سے ذرائع کا کہنا ہے کہ لیگز میں مصروف کھلاڑی پرولیگ کے کیمپ سے پہلے واپس آجائیں گے۔