منیجر کی تبدیلی، نوید اکرم ٹیم کے ہمراہ بنگلادیش نہیں جائیں گے

رپورٹ: فیضان لاکھانی۔۔۔دورہ بنگلادیش کے لیے پاکستان ٹیم کے منیجر کی تبدیلی کردی گئی، نوید اکرم چیمہ بطور منیجر پاکستان ٹیم کے ساتھ بنگلادیش نہیں جائیں گے، پاکستان کرکٹ بورڈ (پی سی بی) نے ارتضیٰ کمیل کو پاکستان ٹیم کا نیا مینجر مقرر کر دیا۔

ارتضیٰ کمیل اس سے قبل پاکستان ٹیم کے سیکیورٹی منیجر رہ چکے ہیں، جبکہ پولیس سروسز میں 18ویں گریڈ کے افسر ارتضیٰ کمیل کو دو سال قبل پی سی بی میں تعنیات کیا گیا تھا۔

بنگلادیش کیخلاف سیریز کیلئے قومی اسکواڈ کا اعلان، بابر اعظم ڈراپ

بنگلادیش کیخلاف سیریز کیلئے قومی اسکواڈ کا اعلان، بابر اعظم ڈراپ

سلمان لیاقت پہلی مرتبہ پاکستان کرکٹ ٹیم کے ساتھ بطور سیکیورٹی افسر جائیں گے۔

اس حوالے سے پی سی بی کا کہنا ہے کہ پاکستان ٹیم کا غیر ملکی کوچنگ اسٹاف ٹیم کو براہ راست ڈھاکا میں جوائن کرے گا۔

پاکستان کرکٹ ٹیم 8 مارچ کو کراچی سے بنگلادیش کے لیے روانہ ہوگی۔ بنگلادیش روانگی سے قبل ٹیم کا دو روزہ تربیتی کیمپ کراچی میں لگایا جائے گا۔