بھارت میں پھنسے ویسٹ انڈین کرکٹرز کو گھر پہنچانے کیلئے چارٹرڈ فلائٹ کا بندوبست

رپورٹ: فیضان لاکھانی۔۔۔بھارت میں پھنسے ٹی ٹوئنٹی ورلڈ کپ میں شرکت کیلئے آئے ویسٹ انڈین کرکٹرز کو گھر پہنچانے کیلئے چارٹرڈ فلائٹ کا بندوبست کرلیا گیا۔

مشرق وسطیٰ کی صورتحال اور فضائی راستے بند ہونے کی وجہ سے ٹیم سفر نہیں کرسکی، ویسٹ انڈین ٹیم ورلڈ کپ میں آخری میچ کے بعد سے اب تک بھارت میں ہی موجود ہے۔

کرکٹ ویسٹ انڈیز نے اس حوالے سے اپنے بیان میں کہا ہے کہ آج آئی سی سی، ٹیم نمائندے اور کرکٹ ویسٹ انڈیز کے درمیان میٹنگ ہوئی۔ میٹنگ میں ٹیم کے سفر کےلیے چارٹرڈ فلائٹ کے انتظام پر اتفاق کیا گیا۔

بیان میں کہا گیا کہ فلائٹ اگلے 24 گھنٹوں میں سفر کرے گی، حتمی وقت اجازت کے بعد طے ہوگا، بھارت میں موجود ویسٹ انڈین کرکٹ ٹیم کے تمام کھلاڑی محفوظ ہیں۔