بنگلادیش کیخلاف سیریز کیلئے قومی اسکواڈ کا اعلان، بابر اعظم ڈراپ

پاکستان کرکٹ بورڈ (پی سی بی) نے بنگلادیش کے خلاف سیریز کے لیے 15 رکنی ون ڈے اسکواڈ کا اعلان کردیا ہے۔

بنگلادیش کے خلاف سیریز کے لیے شاہین آفریدی ون ڈے انٹرنیشنل ٹیم کی قیادت جاری رکھیں گے۔

قومی ون ڈے ٹیم سے صائم ایوب،بابر اعظم، فخر زمان، حسیب اللہ اور حسن نوازکو ڈراپ کردیاگیا ہے۔

دورہ بنگلا دیش کے لیے 15 رکنی اسکواڈ شاہین آفریدی کی قیادت میں عبدالصمد، ابرار احمد، فہیم اشرف، فیصل اکرم، حارث رؤف، حسین طلعت اور معاذ صداقت پر مشتمل ہے۔

اس کے علاوہ محمد رضوان، محمد وسیم جونیئر، محمد غازی غوری، سعد مسعود، صاحبزادہ فرحان، سلمان علی آغا اور شمائل حسین بھی اسکواڈ کا حصہ ہیں۔

پاکستان ون ڈے ٹیم 9 مارچ کو بنگلا دیش کے شہر ڈھاکاپہنچے گی اور 10 مارچ کو پریکٹس سیشن میں حصہ لے گی جس کے بعد پہلا ون ڈے انٹرنیشنل میچ 11 مارچ، دوسرا 13 مارچ اور تیسرا ون ڈے انٹرنیشنل میچ 15 مارچ کو کھیلا جائے گا اور یہ تمام میچز شیر بنگلا اسٹیڈیم میں کھیلے جائیں گے۔