ٹی 20 ورلڈ کپ: محسن نقوی اور جےشاہ کا کل اکٹھے میچ دیکھنےکا امکان

رپورٹ: سہیل عمران۔۔۔ آئی سی سی ٹی ٹوئنٹی ورلڈ کپ میں کل سب سے بڑا ٹاکرا پاکستان اور بھارت کے درمیان ہونے والا ہے۔

اس اہم میچ کے حوالے سے ذرائع کا بتانا ہے کہ چیئرمین پی سی بی محسن نقوی اورآئی سی سی چیئرمین جےشاہ کےاکٹھے میچ دیکھنےکاامکان ہے۔

ذرائع کے مطابق آئی سی سی کےعہدیداران اور بھارتی بورڈآفیشلز بھی پاک بھارت میچ میں موجودہوں گے۔

ذرائع کا کہنا ہے کہ پی سی بی اوربھارتی بورڈآفیشلزبھی کولمبو میں ایک ہی جگہ موجودہوں گے جبکہ سری لنکا کرکٹ کےمطابق دیگربورڈز کےمہمان بھی میچ کے دوران موجود ہوں گے۔

دوسری جانب کولمبو میں پریس کانفرنس کرتے ہوئے پاکستان ٹیم کے کپتان سلمان علی آغا نے کہا ہے کہ ہم نے بھارت کی پوری پلیئنگ الیون کے لیے پلان کیا ہوا ہے اور اگر موسم کی وجہ سے اوور کم ہوتے ہیں تو اس کا بھی پلان کیا ہے۔