سابق کپتان انضمام الحق پی ایس ایل ٹیم راولپنڈی سے منسلک ہوگئے

رپورٹ: فیضان لاکھانی۔۔۔ پاکستان سپر لیگ کے گیارہویں ایڈیشن میں پاکستان کےسابق کپتان انضمام الحق راولپنڈی سےمنسلک ہوگئے۔

واضح رہے کہ راولپنڈی کی ٹیم نےانضمام الحق کو پریزیڈنٹ کرکٹ افیئرز مقرر کردیا ہے۔

یاد رہے کہ انضمام الحق اس سے قبل پشاور زلمی کے صدر بھی رہ چکے ہیں۔

پی ایس ایل 11 میں راولپنڈی کی ٹیم پر نظر ڈالی جائے تو نسیم شاہ جو اس آکشن کے سب سے مہنگے کھلاڑی رہے انہیں راولپنڈی نے 8 کروڑ 65 لاکھ میں خریدا جبکہ نیوزی لینڈ کے بیٹر ڈیرل مچل کو راولپنڈی نے 8 کروڑ 5 لاکھ میں اپنا حصہ بنایا۔

راولپنڈی نے محمد عامر کو 5 کروڑ 40 لاکھ میں خرید لیا جبکہ بنگلادیش کے لیگ اسپنر رشاد حسین کیلئے 3 کروڑ کی کامیاب بولی لگائی۔

لاری ایونز کو ٹیم راولپنڈی نے ایک کروڑ 10 لاکھ روپے میں خریدا جبکہ عماد بٹ کو 80 لاکھ، عبداللّٰہ فضل کو 67 لاکھ 50 ہزار اور کامران غلام کو 65 لاکھ روپے میں حاصل کیا۔