ٹی20 ورلڈ کپ: بھارت اپ سیٹ سے بچ گیا، امریکا کو 29 رنز سے شکست

آئی سی سی ٹی ٹوئنٹی ورلڈ کپ 2026 میں گروپ اے کے میچ میں میزبان اور دفاعی چیمپئن بھارت نے امریکا کو 29 رنز سے شکست دے دی۔ سوریاکمار یادیو کی عمدہ بیٹنگ کی بدولت بھارت اپ سیٹ شکست سے بچ گیا۔

ممبئی میں کھیلے گئے میچ میں امریکا نے بھارت کو ٹاس جیت کر پہلے بیٹنگ کی دعوت دی جس کا فائدہ اٹھاتے ہوئے اس نے حریف کو قابو کرنے کی پوری کوشش کی اور کامیاب بھی رہا۔

بھارتی ٹیم کے کپتان سوریاکمار یادیو کی 84 رنز کی یادگار اننگز کھیل کر مردِ بحران ٹھہرے اور ٹیم کا ٹوٹل مقررہ 20 اوورز میں 9 وکٹوں کے نقصان پر 161 رنز تک پہنچایا۔

ویسٹ انڈیز کی اسکاٹ لینڈ کو 35 رنز سے شکست، شیفرڈ کی ہیٹ ٹرک

ویسٹ انڈیز کی اسکاٹ لینڈ کو 35 رنز سے شکست، شیفرڈ کی ہیٹ ٹرک

امریکا کی جانب سے شیڈلے وین شلویک نے 4 وکٹیں لیں۔ ہرمیت سنگھ نے دو جبکہ علی خان اور محمد محسن نے ایک ایک کھلاڑی کو آؤٹ کیا۔

162 رنز کے ہدف کے تعاقب میں امریکا کی ٹیم مقررہ 20 اوورز میں 8 وکٹوں کے نقصان پر 132 رنز بناسکی۔

سنجے کرشنامورتی اور شبھم رنجانے 37 ،37 رنز بنا کر نمایاں رہے جبکہ بھارت کی جانب سے سب سے زیادہا وکٹیں لینے والے بولر محمد سراج تھے جنہوں نے 3 کھلاڑیوں کو آؤٹ کیا۔