مائیک ہیسن کے فیملی کے ہمراہ لاہور کے سیر سپاٹے

رپورٹ: سہیل عمران۔۔۔ پاکستان کرکٹ ٹیم کے وائٹ بال ہیڈ کوچ اور نیوزی لینڈ سے تعلق رکھنے والے مائیک ہیسن ان دنوں اپنی فیملی کے ہمراہ لاہور میں موجود ہیں۔

مائیک ہیسن نے فیملی کے ساتھ تاریخی شہر لاہور کی سیر کی اور مختلف مقامات کا دورہ کیا۔

مائیک ہیسن اور ان کی فیملی نے شاہی قلعہ، بادشاہی مسجد اور حضوری باغ کی سیر کی جبکہ فوڈ اسٹریٹ میں مقامی کھانوں سے بھی لطف اندوز ہوئے۔

مائیک ہیسن نے سوشل میڈیا پر پیغام شیئر کرتے ہوئے کہا کہ ان کی فیملی انہیں ملنے پاکستان آئی ہے اور یہاں سب کچھ بہت اچھا لگ رہا ہے اور ہم پاکستان کی مزید سیر بھی کریں گے۔

واضح رہے کہ پاکستان ٹیم کی اگلی سیریز آسٹریلیا کے خلاف تین میچز پر مشتمل ٹی ٹوئنٹی ہے جو رواں ماہ کے آخر میں شیڈول ہے اس کے بعد قومی ٹیم ٹی ٹوئنٹی ورلڈ کپ کے لیے سری لنکا روانہ ہوجائے گی۔