انگلینڈ کرکٹ ٹیم کےسابق کپتان جیفری بائیکاٹ اپنی ٹیم پر برس پڑے

ایشیز سیریز میں آسٹریلیا کے ہاتھوں مسلسل دونوں ٹیسٹ میچز میں شکست کھانے پر سابق انگلش کپتان جیفری بائیکاٹ اپنی ٹیم پر برس پڑے۔

سابق کپتان جیفری بائیکاٹ کہتے ہیں کہ بین اسٹوکس اور برینڈن میکلم سمجھتے ہیں کہ صرف انہیں ماڈرن ٹیسٹ کرکٹ کا علم ہے مگر ہمیں اب انہیں سننا بند کر دینا چاہیے، انگلینڈ کرکٹ ٹیم غیر ذمہ دار اور بے کار ہے۔

جیفری بائیکاٹ نے کہا کہ برسبین میں ایک ڈروانا شو پیش کیا گیا، اس بیٹنگ اور باولنگ کے ساتھ انگلینڈ کرکٹ ٹیم جیت نہیں سکتی۔

انہوں نے کہا کہ انگلینڈ کرکٹ ٹیم کا کوئی رکن اپنے کیمپ کے علاوہ کسی کی سننے کے لیے تیار نہیں ہے، ٹیسٹ کرکٹ تبدیل ہو گئی ہیں اور وہ سمجھتے ہیں کہ صرف انہیں ہی مادڑن ڈے ٹیسٹ کرکٹ کا علم ہے۔

سابق کپتان نے کہا کہ انگلینڈ کرکٹ کا ہر سپورٹر یہ جاننا چاہتا ہے کہ ہیری بروک کے دماغ میں کیا چل رہا ہے کیونکہ وہ آسٹریلیا کی پچز پر اپنے پیروں کو حرکت میں ہی نہیں لا رہا۔

واضح رہے کہ ایشیز سیریز کے ابتدائی دونوں میچز میں انگلینڈ کو شکست کا سامنا کرنا پڑا، آسٹریلیا نے پہلے اور دوسرے ٹیسٹ میچ میں 8 وکٹوں سے کامیابی حاصل کی اور سیریز کا تیسرا میچ 17 دسمبر سے ایڈیلیٹ میں کھیلا جائے گا۔